Jeke sot oryndaýshylary memlekettik oryndaýshylarǵa qaraǵanda tıimdirek jumys istep jatyr - B. Imashev
«Aǵymdaǵy jyldyń birinshi toqsanynda jeke sot oryndaýshylarynyń oryndaýynda 924 myń is júrgizý boldy. Bul memlekettik sot oryndaýshylaryndaǵy ister sanynan shamamen 300 myńǵa artyq. Oǵan qosa, jeke sot oryndaýshylary jumysynyń kórsetkishteri olar qujattardy anaǵurlym tıimdi oryndaıtynyn kórsetedi. Máselen, aǵymdaǵy jylǵy 3 aı ishinde olar memlekettik sot oryndaýshylaryna qaraǵanda 4 mlrd. teńgege kóp óndirip aldy. Atap aıtqanda, memlekettik sot oryndaýshylary óndirgen soma - 15,9 mlrd teńge bolsa, jeke sot oryndaýshylary - 19,3 mlrd. teńge óndirdi. Sonymen qatar, jeke sot oryndaýshylary zańdy tulǵalardyń paıdasyna úsh ese kóp aıyppuldar óndirip, isterdi qaraýy da osynshaǵa artyq boldy», - dedi mınıstr Berik Imashev.
Onyń aıtýynsha, buǵan deıin jeke sot oryndaýshylary kommertsııalyq paıdaly is júrgizýdi ǵana oryndaýǵa qyzyǵýshylyq bildirip kelgen. «Alaıda, reformalardyń nátıjesinde jeke sot oryndaýshylary qazir isterdiń áleýmettik mańyzy bar sanattaryn oryndaýǵa, atap aıtqanda, alıment óndirip alýǵa baǵyttalǵan. Óıtkeni, olarǵa osyndaı isterdi oryndaǵany úshin aqy tóleý bıýdjet esebinen kózdelgen», - dedi mınıstr.
