Jeke sot oryndaýshylar óńirlerde tym az - Sot aktilerin oryndaý komıteti
«Komıtet mamandarynyń taldaýyna súıensek, 2013 jyldyń qorytyndysy boıynsha memlekettik sot oryndaýshylardyń atkarýynda 1 mln. 610 myń qujat, jeke sot oryndaýshylardyń (JSO) atqarýynda nebári 87 myń qujat nemese jalpy kóoemnen 5 paıyzy ǵana boldy. Bul rette jeke sot oryndaýshylarynyń úlesindegi qujattardyń 80 paıyzdan astamy zańdy tulǵalardyń paıdasyna óndirýine qatysty. Shamaly somalardy óndirý jónindegi atqarýshylyq qujattar jáne áleýmettik mańyzdy sanattaǵy ister olar úshin áli de bolsa azyn-aýlaq qyzyǵýshylyqty tanyta almaǵan», - delingen atalǵan vedomstvonyń habarlamasynda.
Osy máseleni túzeý úshin jáne jeke sot oryndaýshylaryn barlyq sanattaǵy istermen aınalysýyn yntalandyrý maqsatynda bıylǵy qańtarda «Keıbir zańnamalyq aktilerge atqarýshylyq is júrgizýin odan ári jetildirý máselelerine ózgerister men tolyqtyrýlar engizý týraly» QR Zańynda óndirý somasyna nemese múlik qunyna baılanysty jeke sot oryndaýshylarynyń qyzmetin tóleý úshin regressıvti mólsherleme engizilgen (3%-dan 25 %-ǵa deıin kóterý).
Konferentsııaǵa qatysýshylar jeke sot oryndaýshylaryna júkteletin isterdiń birtindep kóbeıýin qarastyrýmen qatar olardyń bilimin jetildirý joldaryn qarastyrmaq.
Jeke sot oryndaýshylarynyń (JSO) qyzmetine qol jetimdilikti qamtamasyz etý maqsatynda Komıtet qalalarda, oblystar men aýdandarda JSO-nyń shektelgen quramyn bekitýdi usynady. Qazirgi tańda JSO negizinen Astana men Almaty qalalarynda shoǵyrlanǵan (189 nemese olardyń jalpy kóleminen 40,2 %). Keıbir oblystarda olardyń sany 5-10 adamnan aspaıdy, al aýdandarda mundaı mamandar atymen de joq.
