Jeke sektor otandyq ǵalymdardyń jobalaryna qarjyny eselep salýda
ASTANA. QazAqparat - Qazaqstanda otandyq ǵalymdardyń jobalaryna jeke sektordyń ınvestıtsııasy úsh esege artty. Bul týraly Senatta ǵylymı máselelerge arnalǵan «dóńgelek ústel» otyrysynda QR Bilim jáne ǵylym vıtse-mınıstri Ashat Aımaǵambetov málim etti, dep habarlaıdy QazAqparat.
«Kommertsııalandyrýdyń granttyq jobalary aıasynda 2016 jyly 712 mln teńge jeke ınvestıtsııa tartylsa, birlesip qarjylandyrý úlesi 8 paıyzdy qurady. Al bıyl jeke sektor tarapynan ózderiniń qarjylaryn salý somasy úsh esege artyp, 2,5 mlrd teńgeden asyp tústi. Sonymen qatar, ǵylymı-tehnıkalyq qyzmettiń nátıjelerin júzege asyrý men kommertsııalandyrý úshin jeke bıznes jaǵynan birlesip qarjylandyrý úlesi 13 paıyzǵa jetti», - dedi A. Aımaǵambetov.
Onyń sózine qaraǵanda, mınıstrlik óz aldyna dál osy maqsatqa jetý mindetin qoıǵan bolatyn.
«Dúnıejúzilik banktiń jobasy aıasynda óndiristik sektordyń konsortsıýmdary boıynsha 2,6 mlrd teńge somaǵa 6 joba irikteldi. Olardyń maqsaty ǵylymmen birlese óndiristik sektordyń júıelik mindetterin sheshýge negizdelgen. Osy oraıda birlesip qarjylandyrý kólemi 1 mlrd teńgeden asyp tústi, ıaǵnı bul kórsetkish suralǵan qarjynyń 40 paıyzyn qamtydy», - dedi vıtse-mınıstr.
