Jeke menshik mektepterdiń jabylatyny ras pa – mınıstr jaýaby

ASTANA. KAZINFORM – Májilistiń jalpy otyrysynda depýtat Nartaı Sársenǵalıev jeke menshik mektepterdiń jappaı jabylatyny týraly málimetter taraı bastaǵanyna alańdaýshylyq bildirdi.

— Elimizde 300 myńnan astam oqý bilim alatyn 800 jeke menshik mektep bar. Olarǵa memlekettik tapsyrys toqtatylady eken dep jatyr. Erteń birqatary jabylamyz degen habarlamasyn aıtyp jatyr. Olardy qarjylandyrý jergilikti bıýdjetke tústi. Erteń olardyń bári jabylyp qalsa, 300 myń oqýshyny qaıda jiberemiz, — dep surady depýtat.

Oqý-aǵartý mınıstri Ǵanı Beısembaev jertóle men mektepke saı emes ǵımaratta uıymdastyrylǵan jeke menshik mektepter ǵana jabylatynyn aıtty. 

— Bizdi sol jeke menshik mektepte oqyp jatqan 300 myń balanyń sapaly bilim alýy mınıstrlikti óte qatty alańdatady. Biz Joǵary aýdıtorlyq palatanyń tekserýi nátıjesinde de jeke menshik mektepterdegi bilimniń sapasyna úlken suraqtar týyndaǵanyn kórip otyrmyz. Ras, eger jeke menshik mektepter jabylatyn bolsa, myna jertólelerde, mektepke tıesili emes ǵımarattarda ornalasýy birinshi kezekte sebep bolady. Sondaı-aq, óte sapaly bilim kórsetip otyrǵan (Jeke menshik — red.) mektepterimiz bar. Olarǵa eshqandaı qaýip tónip otyrǵan joq. Muny naqty aıta alamyn, — dedi mınıstr.

Bul másele Úkimet qabyrǵasynda da kóterilgen edi.