Jeke menshik mektepter jappaı jabyla ma

ASTANA. KAZINFORM – Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy Serik Áshirov Ortalyq kommýnıkatsııalar qyzmetinde ótken baspasóz máslıhatynda jeke menshik mektepterdiń jappaı jabylatyny týraly aqparattarǵa túsinikteme berdi. 

— El ishinde jeke menshik mektepter jabylatyny týraly qaýeset tarap júr. Osy shyn ba, — dep surady BAQ ókili.

Serik Áshirov Bilim berý týraly zań mektepter menshik ıesine qaramastan ortaq erejemen jumys isteıtinin eske saldy.

— Jeke menshik mektepter áýeli lıtsenzııa alyp, osydan keıin memlekettik attestatsııadan, memlekettik baqylaýdan ótedi. Memlekettik mektepterge de osyndaı talap qoıylady. Jeke menshik mektepter zańdaǵy talaptardy buzǵan jaǵdaıda ǵana jabylady. Qandaı da bir mektep jabylatyn bolsa, bul onyń menshik formasymen baılanysty emes. Sonymen Qazaqstanda jeke menshik mektepti jabý jospary joq, ondaı jospar qarastyrylyp jatqan da joq, — dedi komıtet basshysy.

Buǵan deıin Oqý-aǵartý mınıstrligine qarasty bolǵan qarjy ortalyǵy 60 oryndyq jeke menshik mektepke 600 oqýshynyń aqshasy bólip kelgenin jazǵan edik.