Jeke menshiktegi kólik quraldary qaı óńirlerde kóp tirkelgen
Ondaǵy málimetterge qaraǵanda, 2022 jylǵy tamyzda 96,9 (myń birlik) avtokólik quraly esepke qoıyldy, bul ótken jyldyń sáıkes kezeńimen salystyrǵanda 10,6% kem. Onyń ishinde tirkeýge qoıylǵan jeńil avtomobılderdiń sany 11,7%-ǵa azaısa, kerisinshe júk avtomobılderiniki 7,7%-ǵa, avtobýstardiki 31,4%-ǵa artty.
Máselen, 2022 jylǵy 1 qyrkúıektegi jaǵdaı boıynsha Qazaqstanda tirkelgen avtokólik quraldarynyń sany 4 377,7 myń bolsa, onyń 87,7%-y jeńil avtomobılder, 10,4%-y júk avtomobılderi jáne 1,9%-y avtobýstar.
2022 jylǵy 1 qyrkúıektegi jaǵdaı boıynsha respýblıkada jeke tulǵalardyń menshiginde 3 630,9 myń jeńil avtokólik bar. Olardyń eń kóp úlesi Almaty oblysy (465,7 myń birlik), Almaty qalasy (460,3 myń birlik) jáne Shyǵys Qazaqstan oblysynyń (275,9 myń birlik) azamattaryna tıesili.
20 jyldan asa shyǵarylǵan jeńil avtomobılder Almaty oblysynyń (317,6 myń birlik), Almaty qalasynyń (194 myń birlik) jáne Qaraǵandy oblysynyń (156,4 myń birlik) azamattarynda basym. Shyǵarylǵan jyly 3 jyldan aspaıtyn jeńil avtomobılder Almaty (50 myń birlik) men Astana qalalarynyń (46,7 myń birlik) jáne Qaraǵandy oblysynyń (18,8 myń birlik) azamattarynyń menshiginde.
