Jeke menshik mektep jumystan qoly bosamaıtyn ata-analarǵa jaqsy boldy - mektep dırektory
«Biz 2019 jyly tórtinshi toqsanda, 3 sáýirde ashyldyq. Bizdiń mektep - 298 oryndyq, qazirgi ýaqytta 140 bala bilim alýda. Bizdiń mektebimiz memlekettik bilimdi tegin beredi. Oqýshylar eki aýysymda oqıdy. Mundaı mektep jumystan qoly bosamaıtyn ata-analarǵa yńǵaıly. Mektepte balalaryn tańnan keshke deıin qaldyra alady», - deıdi Shymkent qalasyndaǵy «Jas-Daryn» bastaýysh mektebiniń dırektory Aıman Berdimbetova.
Ol bıylǵy oký jylynyń basynda 11 jyldyq mektep ashýǵa daıyn ekenin aıtty.
«Karantınnen keıin 11 jyldyq mektep ashý týraly jospardy QR Bilim jáne ǵylym mınıstrligine kórsetemiz. Bizdiń mektebimizde bir ǵana másele bar: memlekettik mektepter sııaqty oqýlyqpen tegin qamtylmaıdy. Osy másele sheshilse deımiz. Mektep ashylǵan ýaqyttan beri jan basyna shaqqandaǵy qarjyny alyp jatyrmyz. Ketken shyǵynǵa ınvestıtsııa qyrkúıek aıynan bastap 96 aıǵa tólenip jatyr», - deıdi ol.