Jeke málimet, ıntımdik foto-vıdeo: bopsalaýǵa kimder jıi tap bolady

ASTANA. KAZINFORM — Elordada kóbine ınternet arqyly bopsalaý jıi bolady jáne qysym kórsetýshiler jábir kórýshilerden mıllıondaǵan aqsha talap etedi. Bul týraly tolyǵyraq Astana qalasy prokýratýra basqarmasynyń prokýrory Saıahat Sultanov aıtyp berdi.

Жеке мәлімет, интимдік фото-видео: бопсалауға кімдер жиі тап болады
Фото: Астана қаласы коммуникациялар қызметі

— Bopsalaý kóbine ınternet, ıaǵnı áleýmettik jeliler arqyly júrgiziledi. Atap aıtqanda, jeke málimetterdi taratý, ıntımdik foto, vıdeolardy jelide taratý taǵy sol sııaqty. Mysaly, ótken jyly tamyzda Almaty aýdandyq polıtsııa basqarmasyna zardap shekken azamattyń tanysy júgindi, onyń tanysynan ıntımdik fotolardy taratamyz dep aqsha bopsalaǵan, dál osyndaı fakti Baıqońyr aýdanynda da tirkeldi. Áıelden ıntımdik foto, vıdeo úshin 3 mln teńge talap etken. Odan bólek, Almaty aýdanynda taǵy bir bopsalaý áreketi tirkeldi, tanysy azamatshadan ıntımdik habarlamany jelide taratpaýǵa ýáde berip, 4,7 mln teńge talap etken. Aıyptylar jaýapqa tartyldy, — dedi Saıahat Sultanov Astana qalasy kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, bopsalaýdy kóbine toptasqan adamdar (54%) uıymdastyrady. 

— Krımınal áleminde qylmysty toptasyp uıymdastyrý negizgi baǵyttardyń biri. Kelesi jaıt, zardap shegýshige birneshe adam qysym kórsetkende, psıhıkaǵa áser etedi. Bopsalaýǵa kóbine, otbasy joq, turaqty jumysy joq, degenmen tabysy jaqsy adamdar tap bolady. Jas ereksheligine kelsek, kóbine 21-39 jastaǵy azamattar jáne salystyrmaly túrde bopsalaýǵa áıelder jıi tap bolady. Sondaı-aq, 17 men 60 jas aralyǵyndaǵy er adamdar jıi bopsalaıdy, - dedi ol.

Sondaı-aq, prokýror jyl basynan beri (qańtar, aqpan) elorda aýmaǵynda bopsalaýǵa qatysty 12 qylmystyq is tirkelgenin málim etti. 

Aıta keteıik, jyl basynan beri birneshe óńirde bopsalaý, tonaý, alaıaqtyqpen aınalysqan top ustaldy, Qaraǵandy oblysynda uıymdasqan qylmystyq top quryqtaldy
Sonymen qatar Ońtústik óńirde bopsalaýmen aınalysqan top ustaldy.
Birer kún buryn Kókshetaýda bopsalaýshylar toby ustalǵanyn habarlaǵan bolatynbyz

Сейчас читают