Jeke lıtsenzııa negizinde jumys jasaıtyn sot sarapshylarynyń sanyn arttyrý kózdelgen - B.Erjanov
ALMATY. QazAqparat - Qazaqstanda jeke lıtsenzııanyń negizinde jumys jasaıtyn sarapshylardyń sany kóbeımek. Bul týraly búgin Almatyda QR Ádilet mınıstrliginiń bastamasymen ótken «Shyǵys-Batys: Sot saraptamasyndaǵy seriktestik. Sot saraptamasynyń teorııasy men tájirıbesiniń ózekti máseleleri» halyqaralyq ǵylymı-tájirbıelik konferentsııasy barysynda Qyzylorda oblysynyń sot-saraptamalyq ınstıtýtynyń dırektory Baqytbek Erjan aıtty.
Mamannyń aıtýynsha, qazir Qazaqstannyń sot-saraptamalyq júıesi - táýelsiz ınstıtýt. Sonyń aıqyn belgisi retinde jeke sot sarapshylyq lıtsenzııa negizinde jumys jasaıtyn sarapshylardyń qatary kóbeıip kele jatqandyǵyn atap ótýge bolady. «Qazir Qazaqstanda sot sarapshylar jetkiliksiz. 2013 jyldyń 31 jeltoqsanynda shyqqan Quqyq qorǵaý organdaryn reformalaý jónindegi Elbasynyń jarlyǵynda atalǵan máselege basa nazar aýdarylǵan. Qazirdiń ózinde Qazaqstanda 609 sot sarapshysy qyzmet atqaryp keledi. Bul, árıne, azdyq etedi. Bolashaqta olardyń sanyn kezeń-kezeńimen 50 paıyzǵa deıin kóbeıtý josparlanyp otyr. Jeke sot sarapshylyq lıtsenzııa negizinde jumys jasaıtyn sarapshylardyń sanyn kóbeıtýge, olardyń jumysynyń sapasyn arttyrýǵa, qyzmetin kóbeıtýge kóp mán berilip jatyr», - dedi Baqytbek Erjan. QR Ádilet mınıstrliginiń Sot saraptamalyq ortalyǵynyń dırektory Isıdor Borchashvılıdiń aıtýynsha, qazirgi tańda sot-saraptama júıesiniń aldynda birneshe talaptar týyndap otyr. «Qazir zamanda ásirese, zııatkerlik menshik salasynda sarpatama júıesi kóp jetildirýdi talap etedi. Kontrafaktilik ónimderdiń aınalymy artyp turǵan kezde biz qalaısha tek taýarlyq belgini ǵana saraptaımyz? Ekonomıkalyq yntymaqtastyq jáne damý uıymynyń málimetine súıensek, kontrafaktilik ónimderdiń zańsyz aınalymynyń saldarynan álem ekonomıkasy 650 mlrd AQSh dollaryn joǵaltady. Qazaqstannyń ózinde byltyr osy salada 600 qylmys jasalsa, 79 astyrtyn tseh áshkerelendi. Sarapshylar aldynda selekııalyq jetistikter, kommertsııalyq qupııa, óndiris qupııalary, paıdaly modelder, ónerkásiptik úlgiler salasyndaǵy saraptaý jumystary úlken qıyndyq týǵyzyp otyr», - dedi I.Borchashvılı.
Halyqaralyq konferentsııaǵa jınalǵan álemdik sarapshylar saraptamanyń sapasyn jaqsartý, olardy halyqarylyq standarttarǵa sáıkestendirý, sarapshylardyń kásibı deńgeıin kóterý, materıaldyq-tehnıkalyq bazany jetildirý týraly mańyzdy máselelerdi talqyǵa saldy.
