Jeke qujattardy ózimen birge ustap júrýdiń qajeti bolmaı qalady
Kompanııanyń basqarma tóraǵasy Áset Turysovtyń aıtýynsha, aǵymdaǵy jyly birneshe jobany iske asyrý josparlanǵan. Sonyń ishinde «Digi Locker» qyzmeti de bar.
«Atalǵan jobanyń mańyzdylyǵy nede? Qazirgi kezde biz san alýan málimetterdi Gmail-da, ıaǵnı shetelde saqtaımyz. Al Digi Locker ózimizdiń elektrondy qoımamyz ispetti. Onda jeke kýálik, júrgizýshi kýáligi jáne taǵy basqa resmı qujattardy saqtaýǵa bolady. Mysaly, ol qujattardy úıde qaldyryp ketseńiz, smartfon arqyly Digi Locker-ge kirip, kez kelgen jeke qujatty kórsetýge bolady. Onda «egov-pen rastalǵan» degen jazý da bolady. Búginde biz kez kelgen adamnyń uıaly telefonynda jeke kýáliktiń foto-kóshirmesi júredi. Digi Locker bolsa, ol qujattardyń zańdy túrde alynǵanyn rastaı alady. Biz atalǵan jobany bıznes qaýymdastyqqa tanystyrdyq. Bireýler iske asyramyz dese, biz daıynbyz», - dedi Á.Turysov Astanada ótken baspasóz máslıxatynda.
Onyń sózine qaraǵanda, búginde egov portalyn paıdalanatyn azamattardyń sany 8,6 mıllıonnan asty. Ótken jyly portal arqyly aýdarylǵan tranzaktsııalardyń jalpy somasy 18,5 mıllıard teńgeden artyq boldy. Búginde memlekettik qyzmetterdi portaldyń negizinde ǵana emes, Telegramm-bot arqyly da alýǵa bolady.
Budan bólek, vırtýaldy keńes berý baǵdarlamasy qolǵa alyndy. Qazirgi kezde chat-bot 1414.kz forýmynda, egov.kz portalynda, Telegram jáne Facebook messendjerlerinde testilik rejımde iske qosyldy.
