Jeke qurylys salýǵa arnalǵan jerlerdi túgendeý tolyǵymen aıaqtaldy - Úkimet
ASTANA. 14 tamyz. QazAqparat - Jeke qurylys salýǵa arnalǵan jerlerdi túgendeý tolyǵymen aıaqtaldy. Bul týraly búgin Úkimet otyrysynda Jer resýrstaryn basqarý agenttiginiń tóraǵasy Qadyrhan Otarov málim etti.
Agenttik tóraǵasynyń aıtýynsha, óńirlik jumys toptarynyń málimetterine qaraǵanda, usynylǵan 366 myń jer ýchaskesiniń 305 nemese 84 paıyzy túgiendeýge jatty. Al qalǵany túgendeý barysynda ıgerilgen bolyp tabylady.
«Aıta keterligi, túgendeý júrgizý kezinde atalǵan aktsııanyń ózi jer ýchaskelerin ıgerýge qarqyn berip, jergilikti jerlerde osy baǵyttaǵy belsendilik paıda boldy. Sonymen qatar, 44 myńǵa jýyq ýchaske áli de ıgerilmegen nemese zań buza otyryp ıgerilgen bolyp tabylady. Bul barlyq zerttelgen ýchaskelerdiń 14 paıyzyn quraıdy. Sonyń ishinde túgendeý barysynda 9 myńǵa tarta nemese 1 myń gektar jer kelisim-shartty buzý jolymen memlekettik menshikke qaıtaryldy», - dedi agenttik tóraǵasy.
