Jeke kýáliktiń jańa úlgisinde qazaqstandyqtardyń jynysy kórsetilýi múmkin

ASTANA. KAZINFORM — Іshki ister mınıstrligi jeke kýáliktiń úlgisin ózgertýdi kózdeıtin normatıvtik qujattyń jobasyn ashyq talqylaýǵa shyǵardy.

«Qazaqstan Respýblıkasynyń azamaty jeke kýáliginiń betki jaǵynda Qazaqstan Respýblıkasy azamatynyń jeke kýáligi ıesiniń fotobeınesi, qoly jáne derbes derekteri: tegi, aty, ákesiniń aty (bar bolsa), týǵan kúni, jynysy jáne jeke sáıkestendirý nómiri ornalasady» dep jazylǵan buıryqtyń jobasynda.

Al kýáliktiń artqy jaǵyna qujat ıesiniń azamattyǵy týraly málimet jazylady.

«Qazaqstan Respýblıkasy azamatynyń jeke kýáliginiń syrtqy jaǵynda shtrıh-kod túrinde kodtalǵan JSN, mıkroshemanyń baılanys bóligi, jeke kýálik ıesiniń týǵan jeri, ulty jáne azamattyǵy týraly derbes derekteri, sondaı-aq kýálik bergen organ, berilgen kúni jáne qoldanylý merzimi týraly málimet ornalasady. Kýálik ıesiniń ulty týraly málimet onyń qalaýy boıynsha kórsetiledi» delingen.

Usynylyp otyrǵan úlgini myna jerden kórýge bolady.