Jeke qosalqy sharýashylyqtardy qoldaý sharalary AÓK-ti damytý jobasyna engizilmek
NUR-SULTAN. QazAqparat – Jeke qosalqy sharýashylyqtardy qoldaý sharalary agoónerkásip keshenin (AÓK) damytý jónindegi ulttyq jobaǵa engiziledi, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, statıstıka boıynsha Qazaqstandaǵy súttiń 75%-y jeke qosalqy sharýashylyqtarda óndiriledi. Alaıda, logıstıkanyń jáne ortalyqtan satyp alýdyń joqtyǵynan, sondaı-aq saqtaý, bastapqy óńdeý, azyqpen qamtamasyz etý jáne aınalym qarjysynyń jetispeýshiligine baılanysty jeke qosalqy sharýashylyqtardyń (JQSh) óniminiń az ǵana kólemi qaıta óńdeledi.
Osy máseleni sheshý jáne JQSh-dyń múmkindikterin shoǵyrlandyrý úshin Prezıdenttiń tapsyrmasymen kooperatsııa arqyly aýyl turǵyndarynyń tabysyn aýqymdy jáne tıimdi arttyrý baǵytynda Jambyl oblysynda pılottyq joba iske qosyldy.
Úkimettiń jobalyq keńsesiniń salalyq menedjerleri qazirgi ýaqytta áleýmettik-kásipkerlik korporatsııalardyń qatysýy arqyly kooperatıvterdi qurýdy tikeleı qarjylyq jáne uıymdastyrýshylyq qoldaý boıynsha modelderdi pysyqtaýda.
«Agroónerkásiptik keshendi damytý» jónindegi Ulttyq jobanyń tujyrymdamasyn ázirleý kezinde Úkimettiń jobalyq keńsesiniń tájirıbesi qoldanylatyn bolady.
