Jeke qosalqy sharýashylyq jerinde úı salý tártibi ózgertilmek
ASTANA. QazAqparat - Jer zańnamasyna engiziletin tolyqtyrýlar aıasynda endi jeke qosalqy sharýashylyq (JQSh) jerinde úı salý tártibi jekemenshik turǵyn úı qurylysy maqsatyndaǵy ýchaskelerdiń erejesi boıynsha júrgizilmek. Bul týraly búgin Astanada senatorlardyń qatysýymen jer zańnamasyn jetildirý máselesine arnalǵan jıynda málim boldy.
Qazaqstan Respýblıkasy Parlamenti Senatynyń depýtaty Qýanysh Aıtahanovtyń sózine qaraǵanda, halyq tyǵyz ornalasqan ońtústik óńirlerde turǵyndar jeke qosalqy sharýashylyq jerinen ózderiniń balalaryna jeke úı salýǵa nıettiler sany artyp keledi. Sebebi jeke turǵyn úı maqsatyndaǵy jerlerden ýchaskeler alý qıynǵa soǵýda. Bul turǵyda ákimdikter jeke turǵyn úı qurylysyna jer telimderin tek ınfraqurylym tartylǵannan keıin ǵana bóledi.
Óz kezeginde QR Óńirlik damý vıtse-mınıstri Qaıyrbek Óskenbaev jekemenshik turǵyn úı qurylysynda zańnamada baspana salýdyń túgel tártibi belgilengenin atap ótti. Osyǵan sáıkes úı salýǵa nıetti jer telimin alǵan azamattar barlyq sharalardy ákimdikpen, sáýlet mekemelerimen tıisti rásimdeý jumystaryn atqarady.
«Al jeke qosalqy sharýashylyq jerine kelgende bul máseleler burynǵy zańda túgel jazylmaǵan. Máselen, Almaty qalasy mańynda 2-3 jyldyń ishinde úı salýǵa 4 myń jekemenshik ýchaskeler berilse, al jeke qosalqy sharýashylyq jeri (25 sotyq) 44 myńnan asqan. Sol sebepti jer ýchaskeleri qarqyndy berilmeı jatsa da, kóptegen úıler qaıdan paıda bolyp jatqanyna qazir ózimiz tańǵalyp otyrmyz. Bul úıler salynǵannan keıin (JQSh jerlerinde) osy jerlerde balabaqsha, mektepter men ınfraqurylymdar tartylýy tıis», - deıdi vıtse-mınıstr. Osy oraıda ol zańnamaǵa jańadan eskerilip otyrǵan túzetýler aıasynda JQSh jerlerine úı salýdyń jańa tártibi belgilenip otyr. Bul turǵyda endi JQSh jerinde úı salý tártibi jekemenshik turǵyn úı qurylysy maqsatyndaǵy ýchaskelerdiń erejesi boıynsha júrgizilmek.
«ıAǵnı jeke qosalqy sharýashylyq jerinde úı salýǵa esh shekteý joq, alaıda ony salý tártibi jekemenshik turǵyn úı salý tártibi boıynsha júzege asyrylýy tıis», - dedi Q. Óskenbaev.
Alaıda senatorlar osy tártip engizilgen jaǵdaıda jekemenshik turǵyn úıge negizdelgen jer telimine qol jetkize almaı otyrǵan halyq, ásirese halqy tyǵyz ornalasqan ońtústik óńirlerdiń turǵyndary úshin baspana máselesi qıynǵa soǵýy yqtımal.
