Jeke qorǵanys quraldarynyń ulttyq standartyna ózgertý engiziledi

ASTANA. QazAqparat – Jeke qorǵanys quraldarynyń ulttyq standartyna ózgertý engiziledi. Bul jaıynda Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Ýákiletti organdar standarttaý jónindegi ulttyq organmen birlesip, jeke qorǵanys quralyna qatysty ulttyq standartqa tıisti ózgertýlerdi pysyqtap jatyr. Pysyqtaý qorytyndysy boıynsha sizderge Saýda jáne ıntegratsııa mınıstrligi tarapynan qajetti aqparat usynylatyn bolady», - dedi Álıhan Smaıylov Senat depýtattarynyń saýalyna oraı.

Buǵan deıin elimizdiń memlekettik organdary Qaraǵandy oblysyndaǵy «Steel Manufacturing» JShS qazaqstandyq patron zaýytynyń bazasynda jeke brondy qorǵanys quraldarynyń (brondy jıletter men dýlyǵalar) synaq zerthanasyn qurý máselesin pysyqtap jatqanyn jazǵan edik.

Atalǵan zerthana 2024 jyly qurylmaq.