Jeke kompanııa memleketke otandyq ónim dep sheteldik buıym satqany anyqtaldy

ASTANA. KAZINFORM – QR Joǵary aýdıtorlyq palatasynyń tóraǵasy Álıhan Smaıylov Májilistiń jalpy otyrysynda keıbir kompanııalar otandyq ónim dep kórsetip, sheteldik buıymdy memleketke eki ese qymbat baǵamen satyp jatqanyn aıtty. 

- Óndiristiń lokalızatsııasyna jáne ınvestıtsııalyq mindettemelerge monıtorıng júrgizilmeıdi. Bul talaptardy formaldy túrde oryndaýǵa jáne jaǵdaıdy teris paıdalanýǵa múmkindik jasaıdy. Máselen, 2024 jyly «Kazmedprom» seriktestigi memleketke 8 mlrd teńgege 62 mln medıtsınalyq qolǵap jetkizgen. Alaıda bul qolǵaptardyń kólemi men sıpattamalary kompanııanyń sol kezeńde Taılandtan satyp alǵan partııasymen sáıkes keledi, – dedi Álıhan Smaıylov

Sondaı-aq spıker bundaı shema ımporttyq taýarlardy otandyq ónimmen almastyrý saıasatynyń mánin joıyp, memleketke úlken zalal tıgizetinin atap ótti. 

- Bul jaǵdaıda sheteldik ónimdi otandyq ónim retinde satý táýekeli baıqalady. Memleketke ónim naryqtaǵy baǵamen salystyrǵanda 2 ese joǵary baǵamen satylǵan. Bul 5,3 mlrd teńgege bıýdjettik artyq shyǵyn ákeldi, - dedi Joǵary aýdıtorlyq palatasynyń tóraǵasy.

Aıta keteıik, farmatsevtıka salasynda 741 mln teńgeniń qarjylyq buzýshylyǵy anyqtaldy.