«Jeke kásipkerlik týraly» zań jobasy atom energııasyn paıdalaný salasyndaǵy memlekettik retteýdi jetildirý maqsatyn kózdeıdi
ASTANA. Jeltoqsannyń 28-i. QazAqparat /Aıdyn Báımen/ - Úkimet atom energııasyn paıdalaný salasyndaǵy memlekettik retteýdi jetildirý maqsatynda «Jeke kásipkerlik týraly» zań jobasyn ázirledi. Bul zań jobasy «Atom energııasyn paıdalaný týraly» zań jobasyna ilespe retinde daıyndalǵan,
dep habarlaıdy QazAqparat.
Atom energııasyn paıdalaný týraly zańda kózdelgen quqyqtyq normalardy iske asyrý maqsatynda zań jobasynda «Jeke kásipkerlik týraly» zańǵa túzetýler kózdelgen.
Zań jobasynda «Jeke kásipkerlik týraly» zańnyń qosymshasyn elektr energetıkasy salasyndaǵy memlekettik organnyń jer qoınaýyn paıdalaný jáne atom energııasy salasyndaǵy qadaǵalaýdyń radıatsııalyq qaýipsizdigin qamtamasyz etýdi júzege asyrýy boıynsha tolyqtyrý kózdelgen.
«Jeke kásipkerlik týraly» zańnyń qosymshasy atom energııasyn paıdalaný jónindegi qyzmettiń erekshe sıpatta bolatynymen jáne nátıjesinde adamdardyń densaýlyǵy men qorshaǵan ortaǵa tikeleı nuqsan keltirýi múmkin qyzmetke jatatynymen túsindiriledi. Osyǵan baılanysty Qazaqstanda atom energııasyn paıdalaný memlekettik baqylaýǵa jáne qadaǵalaýǵa jatady.
Sonymen qatar atom energııasyn paıdalaný obektilerine baılanysty qyzmet protsesine tikeleı qatysý kezinde halyqtyń qaýipsizdik deńgeıin joǵarylatýǵa, aıtalyq, sáýlelený apparattaryn paıdalanýdy qamtıtyn, kórsetiletin medıtsınalyq qyzmetterdiń qaýipsizdigin arttyrýǵa múmkindik beredi.
Atom stantsııalaryn salý úshin qolaıly jaǵdaılar jasaýdy eskere otyryp, atom energııasyn paıdalaný salasyndaǵy qoldanystaǵy zańnamany jetildirý osy salada tıisti memlekettik baqylaý men qadaǵalaýdy júzege asyrýdy talap etedi.
