Jeke kásipkerler úshin «E-Salyq Business» qosymshasy ázirlenip jatyr
«Úkimettiń keńeıtilgen otyrysynda Prezıdent salyqtyq ákimshilendirýdi túbegeıli ońaılatý men jeńildetý boıynsha mindetter qoıdy. Bul baǵytta eń aldymen jeke tulǵalardyń múlki men jerine salynatyn salyqtar biriktirilip, biryńǵaı tólemmen tólenetin bolady. Kóp páterli turǵyn úılerdiń menshik ıeleri úshin jer salyǵy bolmaıdy», - dedi ol.
Mınıstrdiń aıtýynsha, halyqqa arnalǵan salyq tóleýdiń yńǵaıly «E-Salyq Azamat» mobıldi qosymshasy ázirlendi. Qosymsha onlaın salyq tóleýge, artyq tólemdi boldyrmaýǵa jáne taǵy basqa da jeńildikterge múmkindik beredi.
«Jeke kásipkerler úshin «E-Salyq Business» qosymshasy ázirlenýde. Jeke kásipkerlerdi tirkeý men jabýdy, salyq eseptiligin usynýdy ońaılatý, sondaı-aq komıssııany jáne fıskaldyq derekter operatorlarynyń qyzmetterine aqy tóleýdi alyp tastaý qarastyrylýda. Osy qosymshalar salyq tóleýshi rastaı alatyn nemese túzete alatyn eseptilikti avtomatty túrde qalyptastyrady», - dedi Erulan Jamaýbaev.
