Jeke kásipkerler de jastarǵa jaldamaly páterler salyp berýge nıet tanytýda – Altaı Kólginov
NUR-SULTAN. QazAqparat – Elordalyq jeke kásipkerler de jumys isteıtin jastarǵa arnalǵan jaldamaly páterler salýǵa nıet tanytyp otyr. Bul týraly búgin Ortalyq kommýnıkatsııalar qyzmetindegi baspasóz máslıhatynda Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.
«Prezıdenttiń tapsyrmasyna sáıkes, úsh iri qalada jumys isteıtin jastarǵa 1 myń páterden berý tapsyrmasy bar. Sonyń 1 050-iniń kiltin tabystadyq. Baıqaý jarııalaǵanmyzda 6 500 adam qujatyn tapsyrdy. ıAǵnı, suranys 6 ese kóp. Sondyqtan kelesi jyly muny jalǵastyratyn bolamyz», - dedi Altaı Kólginov.
Onyń aıtýynsha, elordalyq jeke kásipkerler de qala ákimdigi jer beretin bolsa jastarǵa jaldamaly páterlerdi óz qarajatyna salýǵa qulshynys tanytýda.
«Qazir kásipkerler de kelip jatyr. Olar 1 myń orynǵa 6 500 adamnyń ótinish bergendigin, ákimdik jerge kómektesse óz ınvestıtsııalarynyń esebinen úı salyp bere alatyndyqtaryn aıtyp otyr. Bul bizdi qýantady, qoldaımyz. Biraq, bıýdjetten de toqtatpaımyz. ıAǵnı, jyl saıyn osynsha páter salý josparda bar. Biraq, túsiný kerek, ol bir jylda sheshilmeıdi. Bizde 29 jasqa deıingi jastar sany resmı túrde 245 myń adamdy quraıdy. Biraq olardyń bárin pátersiz dep aıtýǵa bolmaıdy. Degenmen, bul másele baqylaýda. Ásirese, jastarǵa múmkinshilik ashý kerek», - dedi elorda ákimi.
