Jeke kásipkerdiń 12 mln. teńge bolatyn buıym zattaryn tonap ketken qylmystyq top quryqtaldy - QR ІІM
ASTANA. 11 mamyr. QazAqparat /Jasulan Amanbaıuly/ - Almaty qalasynda qylmyskerler úı qyzmetshisin qorqytyp, jeke kásipkerdiń úıinen 12 mln. teńge turatyn buıym zattaryn tonap ketti.
Bul týraly búgin Astanada baspasóz máslıhatynda QR ІІM-niń Ákimshilik polıtsııa komıtetiniń tóraǵasy Qaırat Tynybekov málim etti.
Qazirgi ýaqytta qylmyskerler anyqtalyp, ustaldy. Qaırat Tynybekovtyń aıtýynsha, oqıǵa 3 mamyr kúni Almaty qalasyndaǵy Áýezov aýdanynda oryn alǵan. «Betperde kıgen 5 adam jeke kásipkerlerdiń biriniń úıine kirip, úı qyzmetshisin qorqytyp, ony baılap, ishinde somasy 2,5 mln. teńge, 20 myń AQSh dollary, altyn buıymdary bar seıfti urlap, izin sýytqan. Keltirilgen zalaldyń jalpy somasy 12 mln. teńge»,-dedi ol.
Jalpy mamyr aıynda respýblıkada 267 tonaý qylmystary jasalǵan. Olardyń 63 paıyzy «izi sýymaı» ashyldy.
