Jeke qarajat esebinen 2 myńnan astam balabaqsha ashyldy
ASTANA. QazAqparat - Qazaqstanda jeke ınvestıtsııalar esebinen balabaqsha ashý isi qarqyndy damyp keledi, dep habarlaıdy QazAqparat tilshisi.
«Jeke ınvestıtsııalardy tartýdyń jarqyn mysaly retinde Elbasynyń tapsyrmasymen júzege asyrylǵan «Balapan» baǵdarlamasyn atap kórsetýge bolady. Baǵdarlama júzege asyrylǵan sátten bastap, jeke ınvestıtsııalar esebinen 2336 jeke balabaqsha men shaǵyn ortalyqtar ashylǵan», - dep dedi QR Bilim jáne ǵylym vıtse-mınıstri Bıbigúl Asylova Úkimette ótken baspasóz máslıhatynda.
Onyń aıtýynsha, atalǵan baǵdarlamany júzege asyrý boıynsha 7 jylda 900 mlrd teńge bólingen.
«Mınıstrlik bul baǵyttaǵy jumystardy jalǵastyrady - Memleket basshysynyń bıylǵy Joldaýynda aıtqan tapsyrmalaryna sáıkes, qala mektepterin bala sanyna qaraı qarjylandyrýdy engizý josparlanyp otyr. Ótken jyly Bilim berý týraly Zańǵa jeke mektepterge memlekettik ilim berý tapsyrys engizýge ruqsat beretin ózgerister engizildi», - dedi vıtse-mınıstr.
Atap ótken jón, ótken aptada Memleket basshysynyń Qazaqstan halqyna arnalǵan kezekti Joldaýy jarııalandy. Prezıdent Joldaýdyń bir bólimin adamı kapıtaldyń damýyna arnap, muǵalimderdiń eńbekaqysyn kóterýdi tapsyrdy. https://kaz.inform.kz/news/tortinshi-onerkasiptik-revolyuciya-zhagdayyndagy-damudyn-zhana-mumkindikteri-elbasy-zholdauy_a3118617
