Jeke ınvestorlar klýbynda «Qazaqstannyń 2011 jyldaǵy qor naryǵynyń múmkindikteri» taqyrybynda semınar ótti
ALMATY. 12 qańtar. QazAqparat /Erbol Turymbetov/ - Keshe «Almaty aımaqtyq qarjy ortalyǵynyń» Jeke ınvestorlar klýbynda «Resmi» Investıtsııalyq-qarjy úıi» AQ ókilderi «Qazaqstannyń 2011 jyldaǵy qor naryǵynyń múmkindikteri» taqyrybynda semınar ótkizdi.
Semınarda «Jarnalyq ınvestıtsııalyq qorlar», «Jańa tarıfter boıynsha brokerlik qyzmet kórsetý» jáne «Qazaqstannyń makroekonomıkasy jáne 2011 jylǵa boljamdar» taqyryptary boıynsha túsiniktemeler berildi. Semınardy Investıtsııalyq saraptama jáne mámilelerdi qurylymdandyrý departamentiniń dırektory Arman Seısebaev pen mańyzdy klıenttermen jumys mamany Andreı Muhametshınder júrgizdi.
Jeke ınvestorlar klýby - baǵaly qaǵazdar naryǵy boıynsha kásibı bilim alý, tıimdi ınvestıtsııa jasaý jáne osy baǵytta tájirıbe men aqparat almasý alańy bolyp tabylady.
