Jeke ınvestıtsııalar tartý arqyly 20 zamanaýı kópbeıindi aýrýhana salynbaq
QR Premer-Mınıstri Álıhan Smaıylovtyń tóraǵalyǵymen ótken Investıtsııalyq ahýaldy jaqsartý jónindegi keńestiń kezekti otyrysynda Qazaqstannyń densaýlyq saqtaý salasyn odan ári damytý máseleleri talqylandy.
Sońǵy jyldary Qazaqstanda densaýlyq saqtaý salasynda aýqymdy reforma júrgizilýde.
«Jalpy, Úkimet 2027 jylǵa qaraı medıtsına salasyn qarjylandyrý deńgeıin JІÓ-niń 5%-na deıin jetkize otyryp, atalǵan salany damytýdyń turaqty modelin qurý boıynsha jumys júrgizip jatyr. Osyǵan oraı biz ınvestıtsııalar men ozyq tehnologııalar tartýǵa múddelimiz», — dedi Álıhan Smaıylov.
Máselen, ótken jyldyń qorytyndysyna sáıkes densaýlyq saqtaý salasyndaǵy negizgi kapıtalǵa salynǵan ınvestıtsııa kólemi shamamen $540 mln-dy qurap, 30%-ǵa ósti.
Sonymen qatar sońǵy 7 jylda farmatsevtıka naryǵynyń kólemi 2,9 esege artty.
Medıtsına ınfraqurylymyn jaqsartý boıynsha keshendi sharalar qabyldanyp keledi.
Máselen, QR Prezıdentiniń tapsyrmasy boıynsha jeke ınvestıtsııalar tartý arqyly 20 zamanaýı kópbeıindi aýrýhana salý josparlanyp otyr.
«Aýyldyq densaýlyq saqtaýdy jańǵyrtý» ulttyq jobasy aıasynda 655 alǵashqy medıtsınalyq-sanıtarııalyq kómek kórsetý nysany paıdalanýǵa berilip, 32 kópbeıindi aýdandyq aýrýhana jańǵyrtylady.
Premer-Mınıstr Úkimet memlekettik qoldaý sharalarynyń paketterin usyna otyryp, farmatsevtıkalyq ındýstrııanyń álemdik iri ókilderimen de belsendi iskerlik baılanystardy arttyratynyn atap ótti.
«Dárilik zattarǵa suranystyń artýy aıasynda densaýlyq saqtaý salasynyń, onyń ishinde farmatsevtıka ónerkásibiniń damý áleýeti óte zor», — dep atap ótti Álıhan Smaıylov.
