Jeke ınvestıtsııanyń 5 paıyzy memleketpen áriptestik negizinde turǵyn úı-kommýnaldyq sharýashylyǵyna baǵyttalýda
ALMATY. Maýsymnyń 11-i. QazAqparat /Erlik Erjanuly/ - «Turǵyn úı -kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ ınvestıtsııalyq tartymdylyqty kóterýge kommýnaldyq jelilerdi basqarýda tájirıbesi bar sheteldik kompanııalardy shaqyrýda.
Bul búgin Almatyda ótip jatqan «Energetıka jáne turǵyn úı-kommýnaldyq sharýashylǵyna ınnovatsııalar men energoresýrs saqtaý tehnologııalarynyn engizý» dep atalatyn konferentsııada aıtyldy, dep habarlaıdy QazAqparat.
«Mundaı konferentsııany biz buǵan deıin Ońtústik Qazaqstan, Aqmola oblystarynda ótkizgen edik. Keshe Taldyqorǵanda boldyq, búgin endi Almatyda ótip jatyr. Bizdiń ortalyq 2009 jyldyń jeltoqsanynda quryldy. Qyzmetimizdiń negizgi baǵyty turǵyn úı -kommýnaldyq sharýashylyǵynyń ınvestıtsııalyq tartymdylyǵyn arttyrý. Zertteýler júrgizip, ınnovatsııalyq tehnolgııalardy engizý jáne turǵyn úı -kommýnaldyq sharýashylyǵyn jańartý men damytýdyń ońtaıly modelin anyqtaý. Olar úkimettiń arnaıy qaýlysymen belgilendi», deıdi «Turǵyn úı -kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Basqarma tóraǵasy Zınnýlla Qazıev. Onyń aıtýynsha, qazirgi tańda turǵyn úı- kommýnaldyq sharýashylyǵynyń ınvestıtsııalyq tartymdylyǵyn kóterý maqsatynda AQSh, Izraıl jáne Malaızııa elderiniń 3 kompanııasymen yntymaqtastyq ornatqan.Jaqynda Shyǵys Qazaqstan oblysyna baryp ınvestııatsııalaý ornyn anyqtaý josparlanyp otyr. Memlekettik jeke áriptestik tájirıbesi kórsetip otyrǵandaı, qazir jeke ınvestıtsııanyń 5 paıyzy turǵyn úı- kommýnaldyq sharýashylyq salasyna baǵyttalyp otyr.
