Jeke ınvestıtsııa árqashan qoldaý tabýy tıis-Málik Myrzalın
KÓKShETAÝ. QazAqparat - Jeke ınvestıtsııa árqashan qoldaý tabýy tıis. Bul týraly Aqmola oblysynyń ákimi Málik Myrzalın óńirdiń 2017 jylǵy áleýmettik-ekonomıkalyq damý qorytyndylary men aldaǵy jylǵy mindetteri týraly turǵyndar aldynda ótken eseptik kezdesýinde aıtty, dep habarlaıdy QazAqparat tilshisi.
Ákimniń sózinshe, óńirde jeke ınvestıtsııa tartý boıynsha jumystar shıratýdy qajet etedi.
«Maǵan Zerendi aýdanynyń Andreı Rymanov esimdi turǵyny júginip, sporttyq-demalý ortalyǵyn salýǵa jergilikti ákimdik tarapynan jer telimi berilmeı otyrǵanyn aıtyp qynjyldy. Osynda aýdan ákimi Mereke Mustafın otyr. Bul máseleni tezirek sheshýdi tapsyramyn. Osy máselege qatysty, barshańyzǵa aıtqym keletini mádenı-demalys nemese sporttyq-saýyqtyrý nysany bolsyn ony ákimdik salmaýy tıis. Bul jerde jeke ınvestıtsııa tartylýy kerek. Ákimdik tek jer telimi jáne ınfraqurylymmen qamtamasyz etý jaǵynan kómektesedi. Sondyqtan da jeke ınvestıtsııa árqashan qoldaý tabýy tıis», dedi oblys ákimi.
Kezdesýde aımaq basshysy atap ótkendeı memleket qoldaýy jáne bankter bergen kredıtterdiń arqasynda óńirde shaǵyn jáne orta bıznes jandanyp keledi. 2017 jyly shaǵyn jáne orta bıznes sýbektileriniń sany 1000 birlikten asa kóbeıdi (41719 birlikke deıin).
Osynyń arqasynda 6 myń jańa jumys orny ashylyp, ónidirilgen ónimnen túsken paıda men salyqtyń esebinen bıýdjet kólemi 21 paıyzǵa artty. Kásipkerlik sektordyń áleýetin arttyrý baǵytynda qyzmet kórsetý, týrızm jáne agrobıznesti damytý salasynda ıgerilmegen rezervter bar.
«Aýyldyq eldi mekenderde barlyǵy 700-den astam áleýmettik-turmystyq ınfraqurylym nysandary jetispeıdi Sondyqtan, bıznes osynda kóshýi tıis. Bul óz kezeginde aýyldyq jerlerde jańa jumys oryndaryn ashyp qana qoımaı, jergilikti bıýdjetke tıimdi bolar edi. Úlgi bolarlyqtaı aramyzda osyndaı azamattar bar. Sonyń biri Eset Nuralın esimdi kásipker. Óziniń 3 toptaǵy múgedektigine qaramastan jumyspen qamtý boıynsha kásipkerlik baǵdarlamasy boıynsha kýrstan ótip, Kókshetaýdyń irgesindegi Krasnoıar selosynda jylyjaı sharýashylyǵyn ashty», dedi oblys ákimi.
Aıta keteıik, «Kókshetaý» mádenıet saraıynda ótip jatqan Aqmola oblysynyń ákimi Málik Myrzalınniń óńirdiń 2017 jylǵy áleýmettik-ekonomıkalyq damý qorytyndylary men aldaǵy jylǵy mindetteri týraly turǵyndar aldynda ótken eseptik kezdesýine Qazaqstan Respýblıkasynyń Ádilet mınıstri Marat Beketaev, «Nur Otan» partııasynyń hatshysy Farhad Qýanǵanov, Qazaqstan Respýblıkasy Prezıdenti Ákimshiliginiń Memlekettik ınspektory Qaldybek Baıymbetov qatysýda.
