Jeke basty kýálandyratyn qujattyń quqyqtyq negizi aıqyndalady
ASTANA. 1 aqpan. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda depýtattar «Jeke basty kýálandyratyn qujattar týraly» zań jobasyn óndiriske aldy.
«Jeke basty kýálandyratyn qujattar týraly» zań jobasymen bizdiń elimizdegi jeke basty kýálandyratyn qujattardyń quqyqtyq negizin aıqyndaý máseleleri kózdelip otyr. Sonymen qatar, zań jobasynda jeke basty kýálandyratyn sıpattaǵy qujatqa anyqtama biregeılendiriledi. Budan bólek, jeke basty kýálandyratyn qujattar túrleriniń tutastaı tizbeleri anyqtalady. Qujattandyrý salasyndaǵy ýákiletti memlekettik organnyń quzyreti aıqyndalady», - deıdi Zańnama jáne sot-quqyqtyq reforma komıtetiniń tóraǵasy, depýtat Rahmet Muqashev.
Budan bólek, zań jobasymen jeke basty kýálandyratyn qujatty rásimdeý, berý, aýystyrý, ótkizý, alyp qoıý jáne joıý talaptary belgilenetini kózdelip otyr.
Zań jobasy Májilis komıtetinde qurylatyn jumys tobynda talqyǵa túsedi.
