Jeke balabaqshalar lıtsenzııalaýdy engizýge qarsy

NUR-SULTAN. QazAqparat - Qazaqstannyń úzdiksiz bilim berý qaýymdastyǵy Bilim jáne ǵylym mınıstrliginiń mektepke deıingi uıymdardyń qyzmetine lıtsenzııalaý engizý týraly usynysyn orynsyz ekendigin alǵa tartty, dep habarlaıdy QazAqparat tilshisi.

Osy salada jumys isteıtin kásipkerlerdiń pikirinshe, bul is-shara kórsetiletin qyzmetterdiń sapasyn baqylaýǵa múlde áser etpeıdi. Tek shaǵyn jáne orta bızneske qosymsha kedergi keltiredi. Bul jańashyldyq birqatar jekemenshik mektepke deıingi uıymdardyń jabylýyna jáne balabaqshalardyń kóleńkede jumys isteýine ákep soǵýy múmkin. Kásipkerler osy jáne basqa da dálelderin búgin Nur-Sultan qalasynyń kásipkerler palatasy alańynda ótken baspasóz konferentsııasy barysynda aıtty.

Qazaqstannyń úzdiksiz bilim berý qaýymdastyǵynyń tóraıymy Leıla Kúlenova lıtsenzııalaý jeke balabaqshalar kórsetetin qyzmetterdiń sapasynyń baqylaýyna kepildik bermeıtinin atap ótti. Óıtkeni is júzinde lıtsenzııa tek bir ret, balabaqsha ashylǵan kezde beriledi.

«Jeke balabaqshalar mektepke deıingi bilim berý qyzmetteriniń sapasyn baqylaý mehanızmderi qajettigimen kelisedi. Alaıda, lıtsenzııalaýdy qaıtarý balabaqshalar jumysynyń sapasyn qamtamasyz etpeıdi», – dedi ol.

Onyń paıymynsha lıtsenzııalaý tek jemqorlyq táýekelderdi arttyrady. Tárbıeshilerdiń biliktiligin jáne jumys deńgeıin arttyrý problemasymen júıeli túrde aınalysý qajet. Al lıtsenzııalaý dál osy problemadan jaltarýǵa jol ashady.

«Qazirgi kezde qaýymdastyq quramyna 2 817 balabaqsha nemese jumys istep turǵan barlyq balabaqshanyń 43 paıyzyy kiredi. Olardyń kóbi memlekettik tapsyrys boıynsha jumys isteıdi. ıAǵnı, olar QR Bilim jáne ǵylym mınıstrliginiń 2016 jylǵy 29 qańtardaǵy №122 buıryǵyna sáıkes qoıylatyn normalarǵa saı keledi», - dedi Leıla Kúlenova.

Qaýymdastyq músheleriniń pikirinshe, bul norma engizilgen jaǵdaıda jekemenshik balabaqshalardyń basym bóligi jabylýǵa májbúr bolady. Osylaısha mektepke deıingi bilim berýmen qamtý kólemi azaıady. Kásipkerlerdiń osy júıege 2010 jyldan bastap qazirgi ýaqytqa deıin 280 mlrd teńgeden astam somada salǵan ınvestıtsııalary joǵalady. Sonymen qatar, 2000 jyly lıtsenzııalaý kezinde jumys istegen kóleńkeli balabaqshalardyń sany kúrt artady.

Kásipkerler mektepke deıingi bilim berý uıymdary sonyń ishinde jeke balabaqshalar jumysynyń sapasyn qamtamasyz etýdegi basty másele kásibı mamandardyń jetkiliksizdigi dep sanaıdy.

Nur-Sultan qalasy kásipkerler palatasynyń dırektory Beısen Jolboldıev lıtsenzııalaýdy engizý osy saladaǵy shaǵyn jáne orta bıznestiń damýyna kedergi keltiretinin jáne sybaılas jemqorlyq qaterin arttyratynyn atap ótti.