Jeke adamdardyń menshigindegi samokattardyń jyldamdyǵyn baqylaý múmkin bolmaı tur - polıtsııa
Bul týraly Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev aıtty, dep habarlaıdy QazAqparat tilshisi.
«Jeke kompanııalar jalǵa beretin elektr samokattarynyń jyldamdyǵy avtomatty túrde baqylanady. Al jeke adamdar ózi satyp alǵan samokattyń jyldamdyǵyn baqylaý tehnıkalyq turǵyda múmkin emes dep aıtýǵa bolady. Óıtkeni qazir polıtsııada ondaı tehnologııalar ázirge joq. Jol apaty bolǵan jaǵdaıda, polıtsııa oqıǵa ornynda arnaıy saraptama jasaıdy. Sol arqyly samokattyń jyldamdyǵyn anyqtap, júrgizýshini jaýapqa tartýǵa bolady» - dedi Q. Sultanbaev Senatta tilshiler suraǵyna jaýap bere otyryp.
Aıta keteıik, búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine jol júrisin uıymdastyrý máseleleri boıynsha ózgerister men tolyqtyrýlar engizý týraly» Zańy maquldandy.
«Elektrondyq samokat» uǵymy engizilip, ol eń joǵary konstrýktıvtik jyldamdyǵy saǵatyna 25 kılometrden aspaıtyn kólik quraly dep tanylady jáne olardyń qozǵalysy úshin tıisti oryndar aıqyndaldy.
Atap aıtqanda, Zańmen engizilgen sharttar men tyıymdardy saqtaı otyryp, joldyń júris bóliginiń oń jaq sheti boıynsha elektr samokattardyń júrýine ruqsat etiledi.
Elektr samokatyna trotýar nemese jaıaý júrginshiler jolymen saǵatyna 6 km-den aspaıtyn jyldamdyqpen júrýine ruqsat etiledi. Shaǵyn elektr kólik quraldary men elektr samokattary júrgizýshileriniń quqyqtary men mindetteri belgilenedi.
