Jeke adamdar avtokólik pen jyljymaıtyn múlikti lızıngke alady – zań jobasy

ASTANA. KAZINFORM — Parlament Májilisiniń qaraýyna «Qazaqstan Respýblıkasynyń keıbir zańnamalyq aktilerine jeke tulǵalar úshin lızıng engizý máseleleri boıynsha ózgerister men tolyqtyrýlar engizý týraly» zań jobasy kelip tústi.

Bul zań jobasyn Parlament depýtattary ázirledi.

- Osy qujat aıasynda jeke kásipker sanalmaıtyn jeke tulǵalarǵa lızıng engizý qarastyrylǵan. Bul óz kezeginde olarǵa avtokólik jáne jyljymaıtyn múlik sııaqty aktıvter alýǵa múmkindik beredi, - dedi Májilis depýtaty Tatıana Saveleva.

Onyń aıtýynsha, atalǵan qujat qabyldanǵan jaǵdaıda, azamattardyń qarjy qyzmetterine qol jetkizý múmkindigi artady.

- Májilistiń Qarjy jáne bıýdjet komıteti bul zań jobasy boıynsha qorytyndy ázirleýge daıyn, - dedi depýtat.

Eske salsaq, byltyr jeke adamdarǵa avtokólikti lızıngke alýǵa múmkindik beretin qujat pysyqtalyp jatqanyn jazǵan edik.

Usynylǵan túzetýler halyqtyń shamadan tys nesıe alý deńgeıin tómendetý jáne azamattardyń áleýmettik ál-aýqaty, sondaı-aq bank sektorynyń jáne jeke lızıngtik kompanııalar naryǵynyń básekege qabilettiligin damytý jónindegi mindetterdi iske asyrýǵa baǵyttalǵan.