JEK nysandarynda JI qoldaný jylyna shamamen 1,2 mlrd teńge únemdeýge múmkindik beredi
ASTANA. KAZINFORM — Jasandy energııa kózderi nysandarynda jasandy ıntellektini qoldaný jylyna shamamen 1,2 mlrd teńge únemdeýge múmkindik beredi. Bul týraly Úkimet otyrysynda Energetıka mınıstri Erlan Aqkenjenov aıtty.
Mınıstrdiń aıtýynsha, Birtutas energetıkalyq júıeni basqarý úshin jasandy ıntellekti qoldanylmaq. Júıe naqty ýaqytta derekterdi taldap, dıspetcherlerge jedel sheshim qabyldaýǵa kómektesedi.
— Jasandy ıntellekt elektr júktemesin boljap, buzýshylyqtardy anyqtap, oqıǵalarǵa jyldam áreket etýge múmkindik beredi. Pılottyq engizý KEGOC bazasynda iske asyrylýda. Joba — Qazaqstan ónimi jáne AI Governance Cup konkýrsynyń jeńimpazy. Kútiletin nátıje — ıntsıdentterge áreket etý ýaqytyn 30 paıyzǵa deıin qyqsartý boljamdy ekonomıkalyq áser jylyna 200 mln teńgege deıin, — dedi ol.
Sonymen qatar ol jańartylatyn energııa kózderi obektileriniń generatsııasyn boljaý úshin jasandy ıntellekti qoldanyla bastaǵanyn aıtty.
— Júıe aýa raıy, ótken generatsııa jáne aǵymdaǵy jaǵdaılarǵa súıenip, elektr óndirýdi bir táýlikke aldyn ala boljaıdy. Pılot KEGOC jáne Samuryq-Energo obektilerinde ótýde ári qaraı barlyq JEK nysandaryna masshtabtaýǵa múmkindik bar. Nátıjesinde jańartylǵan energııa kózderiniń óndirisindegi aýytqýlar 25 paıyzǵa azaıady, sonyń arqasynda jylyna shamamen 1,2 mlrd teńge únemdeledi, — dedi Erlan Aqkenjenov.
Buǵan deıin munaı óndirý uńǵymalaryn onlaın baqylaıtyn otandyq júıe eksportqa shyǵarylatynyn jazǵan edik.
