Jeenbekov parlament pen premer-mınıstrdi otstavkaǵa jiberý týraly jarlyqqa qol qoıdy
BІShKEK. KABAR-QazAqparat – Qyrǵyzstan prezıdenti Sooronbaı Jeenbekov parlament pen premer-mınıstrdi otstavkaǵa jiberý týraly jarlyqqa qol qoıdy, dep habarlady Qyrǵyzstan prezıdenti apparatynyń aqparattyq saıasat bólimi.
Bul týraly QazAqparat Qyrǵyzstannyń Kabar agenttigine silteme jasap habarlaıdy.
«Qyrǵyzstan prezıdenti Sooronbaı Jeenbekov qol qoıǵan Jarlyqqa sáıkes, Qyrǵyzstan Konstıtýtsııasynyń 65-baby, 87 babynyń 1,2,3 bólimi, 13-babynyń 1 bólimi, 4 tarmaqshasy, 23-babynyń 3bólimi, 1 tarmaqshasy jáne 23-babynyń 4 bólimine sáıkes Qyrǵyzstan premer-mınıstri Kýbatbek Boronov otstavkaǵa jiberildi», - delingen habarlamada.
Qyrǵyzstan úkimeti de otstavkaǵa ketti dep sanalady.
Jarlyqqa sáıkes, elde premer-mınıstr, birinshi vıtse-premer-mınıstr, vıtse-premer-mınıstrler, úkimet músheleri qyzmetin atqarǵan tulǵalar Qyrǵyzstan úkimetiniń jańa quramy qalyptastyrylǵan ýaqytqa deıin buryn atqarǵan qyzmetterine sáıkes mindetterin atqarady.
Jarlyq qol qoıǵan sátten bastap kúshine enedi.
