«Jedel jeli» telefon jelisine aqparattyq sıpattaǵy 128 qońyraý tústi –TJM

ALMATY. KAZINFORM – Tótenshe jaǵdaılar mınıstrligi Almatydaǵy jer silkinisinen keıingi jaǵdaı týraly aıtty.

Mınıstrlik taratqan málimetke sáıkes, Tótenshe jaǵdaılardy joıý jónindegi is-qımyl josparyna sáıkes kúshter men quraldar ázirlikke keltirildi.

Qazirgi ýaqytta ǵımarattar men qurylystardyń, jol ınfraqurylymynyń, gıdrotehnıkalyq qurylystardyń jáne taǵy basqa tekserý jumystary jalǵasyp jatyr.

Halyqty qabyldaý pýnktterine 1329 adam júgindi. 

Almatyda 384 qabyldaý pýnkti quryldy: 229 mektep pen 115 balabaqsha, 15 JOO, 20 kolledj jáne 5 stadıon. Aýdan ákimdikteriniń qyzmetkerleri jınalý oryndarynda.

Polıtsııa departamenti qoǵamdyq tártip pen jol qaýipsizdigin qamtamasyz etti. 

Halyqty qabyldaý pýnktterinde 371 adam, onyń ishinde 39 bala bar.

Almaty qalasynyń bilim berý mekemelerinde sabaqtar bolmaıdy.

Tirshilikti qamtamasyz etý obektileri, sondaı-aq áýejaı men temirjol vokzaldary shtattyq rejımde jumys isteýde. Metropolıtenniń jumysy ýaqytsha toqtatyldy.