Jedel járdemdi ótkizbegen djıp júrgizýshisi aıyppul tóleıtin boldy
ALMATY. QazAqparat - Jedel járdemdi ótkizbegen djıp júrgizýshisi aıyppul tóleıtin boldy, dep habarlaıdy QazAqparat tilshisi.
29 jastaǵy júrgizýshi, Almaty oblysynyń turǵyny artynda kele jatqan reanımobılge jol bermeı qoıǵan. Onyń bul áreketi vıdeoǵa túsip qalǵan.
«Jedel járdem kóligi dabyl qosyp kele jatsa da júrgizýshi yǵysyp jol bermegen. Oǵan QR ÁqK 598-babynyń 2-bólimimen ákimshilik hattama toltyryldy. Er adam artynda kele jatqan kólikti kórmedim dep aqtalǵan», - dedi qalalyq ІІD jergilikti polıtsııa qyzmetiniń izdestirý bóliminiń basshysy Erik Nasyrbekov.
Endi júrgizýshi 10 AEK esebinde, ıaǵnı 22 690 teńge aıyppul tóleıtin boldy.
