Jedel járdem júrgizýshisin soqqyǵa jyqqan kúdikti jazasyz qalmaıdy — ІІM

ASTANA. KAZINFORM — Qaraǵandyda jedel járdem júrgizýshisin urǵan kúdikti jazaǵa tartylady. Bul týraly Májilistiń áleýmettik-mádenı damý komıtetinde ótken jıynda Іshki ister mınıstriniń orynbasary Igor Lepeha málim etti.

«Atalǵan oqıǵa boıynsha is qozǵaldy. Osy bap arqyly ol ákimshilik tipti, qylmystyq jaýapkershilikke tartylýy múmkin, ıaǵnı bas bostandyǵynan aıyrylýy yqtımal», — dedi Igor Lepeha. 

Eske salsaq, 27 qańtarda er azamat shaqyrýǵa kelgen dárigerler brıgadasynyń júrgizýshisimen sózge kelip qalǵan. Sodan soń ashýlanyp, judyryq ala júgirgen.

Bul daýǵa er adamnyń aýla jolymen óte almaǵany sebep bolǵan.  

1 aqpan kúni Qaraǵandy oblysynda jedel járdem júrgizýshisin urǵan er adam ustaldy.  

Depýtat jedel járdem júrgizýshisin soqqyǵa jyqqan kúdiktini tez arada tabýdy talap etti.