Jedel járdem júrgizýshisine shabýyl jasaǵan adam ustaldy
ALMATY. QazAqparat - Almaty polıtsııasy jedel járdem júrgizýshisine gaz ballonymen shabýyl jasaǵan adamdy ustady, dep habarlaıdy QazAqparat tilshisi.
Jetisý aýdandyq ІІB osy oqıǵaǵa baılanysty QR QK 293-baby boıynsha sotqa deıingi tergeý jumystaryn bastady.
«Kúdikti ustaldy. Brıgada júrgizýshisiniń aıtýynsha, ony belgisiz er adam gaz ballonymen jaraqattaǵan. Ballonda belgisiz hımııalyq zat bolǵan. Qazirgi tańda oqıǵanyń mán-jaıy anyqtalyp, tergeý júrgizilýde», - dedi qalalyq ІІD baspasóz qyzmetinen.
Eske salsaq, oqıǵa keshe Jetisý aýdanynda Vınter kóshesinde bolǵan. Er adam jedel járdem júrgizýshisinen kóligin joldan alýdy suraǵan. Oǵan kelispegen júrgizýshiniń betine gaz ballonyn qaratyp, shashyp jibergen. Sonyń saldarynan júrgizýshi 1-2 dárejelei hımııalyq kúıik dıagnozymen aýrýhanaǵa tústi.
Buǵan deıin de, Almatyda joldy bólise almaǵan Túrkııa azamaty jedel járdem júrgizýshisi Nıkolaı Kýchmany soqqyǵa jyqqan bolatyn. Kóp uzamaı polıtseıler 1990 jyly týǵan túrkııalyq azamatty anyqtap, ýaqytsha ustaý oqshaýlaǵyshyna jetkizdi. Keıin Álı Demır kepilmen bosatyldy. Sondaı-aq, jedel járdem júrgizýshisi Túrkııa azamatyn keshirdi.
