Jedel járdem júrgizýshisin urǵan jigit ustaldy
ALMATY. QazAqparat - Almatyda jedel járdem júrgizýshisin soqqyǵa jyqqan jigit ustaldy, dep habarlaıdy QazAqparat tilshisi.
Atalǵan vıdeo búgin Feısbýk jelisinde jarııalandy. Beınekadrda Folksvagen Passat júrgizýshisi jedel járdem karetasynyń júrgizýshisin soqqyǵa jyqqany anyq kórinip tur.
Almaty polıtsııasy 1990 jyly týǵan Túrkııa azamatyn, ıaǵnı Folksvagen Passat kóliginiń júrgizýshisin ustady.
«Er adam jedel járdem júrgizýshisin soqqyǵa jyqqan. Atalǵan derek boıynsha QR QK 293-babynyń 1-bólimi boıynsha is qozǵaldy. Tergeýdi jan-jaqty júrgizý úshin birqatar saraptama taǵaıyndaldy», - dedi ІІD baspasóz qyzmetinen.
Eske sala keteıik, biz búgin Almatyda belgisiz azamattyń naýqasty aýrýhanaǵa apara jatqan jedel járdem júrgizýshisi Nıkolaı Kýchmany soqqyǵa jyqqany jóninde habarlaǵan bolatynbyz.
