Jedel járdem júrgizýshisin urǵan túrkııalyq Qazaqstannan shyǵaryla ma
ALMATY. QazAqparat - Almaty polıtsııasy jedel járdem júrgizýshisin soqqyǵa jyqqan túrik azamaty Demır Ebýzer Álıdi elden shyǵarý týraly aryzyn qaıtaryp aldy, dep habarlaıdy QazAqparat tilshisi.
«№2 Áýezov aýdandyq sotyna Áýezov aýdandyq ІІB ókilinen ótinish tústi. Onda ýákiletti tulǵa Túrkııa azamaty Demır Ebýzer Álıdi syrtqa shyǵarý týraly aryzdy qaraýsyz qaldyrýyn suraǵan», - dedi qalalyq sottyń baspasóz qyzmetinen.
Sot organy taratqan aqparatqa sáıkes, Álı Demır 2018 jyldyń 3qarashasynda elektrondy bıletpen Ystanbuldan ushyp ketýi tıis bolatyn.
Alaıda «Búrkit» bazasyndaǵy aqparatqa sáıkes, ol shekarany aspaǵan.
«Demır Ebýzer Álı shetel aspaǵan. Osyǵan baılanysty Polıtsııa onyń qaıda ekendigi anyqtalǵansha shekara asý týraly aryzdy qanaǵattandyrýdy keıinge qaldyrýdy suraǵan. Sot arqyly Túrkııa azamaty Demır Ebýzer Álıdi Qazaqstannan shyǵarý týraly Áýezov aýdandyq ІІB qozǵaǵan bul azamattyq is qaraýsyz qaldy», - dedi sottan.
Eske salaıyq, Almatyda joldy bólise almaǵan Túrkııa azamaty jedel járdem júrgizýshisi Nıkolaı Kýchmany soqqyǵa jyqqan bolatyn.
Kóp uzamaı polıtseıler 1990 jyly týǵan túrkııalyq azamatty anyqtap, ýaqytsha ustaý oqshaýlaǵyshyna jetkizdi.
Keıin Álı Demır kepilmen bosatyldy. Sondaı-aq, jedel járdem júrgizýshisi Túrkııa azamatyn keshirdi.
