Jedel járdem shaqyrtqan zeınetkerdiń úıine jerleý qyzmetiniń kóligi kelgen
ASTANA. QazAqparat - RF Saratov oblysynyń densaýlyq saqtaý mınıstri Vladımır Shýldıakov 14 aqpan kúni 92 jastaǵy Nına Mıroslavovadan keshirim suraý úshin onyń úıine keldi.
Ol oryn alǵan keleńsiz jaǵdaıdy óz baqylaýyna alatynyn aıtqan.
«Bul - soraqylyq, - dep atap ótti Vladımır Shýldıakov. - Oryn alǵan jaǵdaı úshin barlyqtaryńyzdan keshirim suraımyn, sebebi bul mıǵa qonymsyz oqıǵa. Zeınetkerdiń jaǵdaıy týraly jerleý agenttigine habar bergen adam jumys jasamaıtyn bolady. Bulaı jasaýǵa bolmaıdy».
Mınıstr atap ótkendeı, bul oqıǵany Saratov oblystyq gýbernatory Valerıı Radaev óz baqylaýyna alǵan. Odan bólek, bul isti prokýratýra da tekserýde.
Eske sala keteıik, 30 qańtar kúni keshkisin Aleksandr Ivanov densaýlyǵy syr bergen ájesi Nına Mıroslavovaǵa jedel járdem shaqyrtqan. Alaıda, úılerine jedel járdem mashınasynyń emes, jerleý qyzmetiniń kóligi kelgen.
