Jedel járdem shaqyrǵan kezde kelmese ne isteý kerek
«Jedel medıtsınalyq kómek shaqyrǵan kezde kelmeı jatady. Olar shaqyrtýlardy sanatqa bóledi. 1, 2, 3 sanat - bul jedel medıtsınalyq kómek kórsetýdi talap etetin jaǵdaılar. Óıtkeni, der ýaqytynda kómek kórsetilmese, onda adam ómirine qaýip tónedi. Buǵan qosa, shaqyrtýlardyń 4-shi sanaty bar. Ol ambýlatorııalyq-emhanalyq uıymdar janynan ashylǵan shuǵyl medıtsınalyq kómek bólimshelerine shaqyrtýlardy baǵyttap otyrady. Ol jerde jedel kómek brıgadasy kezekshilik etedi jáne ózderiniń aýmaqtaryna bekitilgen halyqqa barady», - dedi ol Ortalyq kommmýnkatsııalar qyzmetindegi brıfıngte.
Osy rette mınıstr mindetin atqarýshy eger patsıent jedel járdem shaqyrtýǵa kelýi tıis dep sanaıtyn bolsa ne isteýi kerektigin túsindirdi.
«Eger patsıent qalaı bolǵanda da jedel kómek shuǵyl jetýi tıis dep sanaıtyn bolsa, onda dıspetcherge jedel medıtsınalyq kómektiń baılanys ortalyǵyna qosýyn ótinýi tıis. Biz baılanys ortalyǵyndaǵy mamandar sanyn arttyrdyq. Sondyqtan aqparat berý múmkindigi tolyq kólemde kórsetiledi, - dedi Lázzat Aqtaeva.