Jedel járdem qyzmetteri shaqyrylǵan úılerde KVI boıynsha testti qashan ala bastaıdy
«Qazirgi ýaqytta keıbir óńirler mundaı formatta jumys isteı bastady. Alaıda tolyqqandy sheshim osy aptada ǵana qabyldanǵan bolatyn. Tıisti normatıvti qujatty biz qazir daıyndap jatyrmyz. Jumystyń bul formatyn transformatsııalaǵymyz keledi. Óńirler atalǵan baǵyttaǵy jumysty osy aptada bastaıdy. Alaıda kelesi jáne odan arǵy aptalarda bul jumystyń belsendiligi artady. Alaıda bul rette test tek anyqtama nemese KVı belgisi baıqalǵan jaǵdaıda ǵana alynady. Jedel járdem ǵana emes, bul jumysty mobıldi brıgadalar da júrgizedi. Olar da azamattardyń úıine baryp, medıtsınalyq kómek pen keńes beredi», - dedi Densaýlyq saqtaý mınıstri Alekseı Tsoı OKQ-da ótken baspasóz máslıhatynda.
Eske sala ketsek, jedel járdem brıgadalary shaqyrylǵan jerge baryp, test ala bastaıtynyn mınıstr osydan eki kún buryn habarlaǵan bolatyn. Osylaısha ár óńirde COVID-2019 boıynsha halyqty testpen qamtý úshin epıdemıologııalyq ahýalǵa baılanysty talaptardy aıqyndaý kózdelip otyr.
