Jedel járdem kólikteri joǵary jyldamdyqta júrýge qorqady - Eljan Birtanov
«Jedel járdemniń barynsha jyldam kelýi jáne osy kómektiń sapaly kórsetilýi mańyzdy. Ótken jyly biz jedel járdemdi reformalaý boıynsha jobany bastadyq. Bul baǵyttaǵy jumystar birinshi kezekte júktemeni tómendetýge negizdelgen. Jedel járdem «dóńgelek ústindegi» emhanaǵa aınalmaýy tıis, ıaǵnı bul qyzmet ózine tıesili jumystardy atqarýy kerek. Sonymen qatar jedel járdemdi sozylmaly aýrýlardy emdeý úshin paıdalanbaý qajet, ol úshin emhanalar bar. Sondyqtan zańnamalyq túrde bul sharalar ózara bólindi. Ómirge qater týdyrmaıtyn sozylmaly aýrýlarǵa baılanysty jaǵdaılar emhanalarǵa baǵyttalady», - dedi mınıstr.
Osy oraıda, bul normany engizýdiń arqasynda jedel járdemge túsip turǵan júkteme tómendetilip, olardyń naýqasqa jetý merzimi qysqardy.
«Jedel járdem kólikteriniń rebrendıngi júrgizildi. Birtindep barlyǵy bir túske keltirilýde. Sonymen qatar bul kólikterdiń sırenasy árqashan qosylyp turýyn talap etýdemiz. Maqsat nede? Bul rette kóliktiń barynsha jyldam jetýine nazar aýdarylýda. Jedel járdem kele jatqanda, joldaǵy ózge júrgizýshiler, jaıaý júrginshiler durys áreket ete bilýimiz kerek. Anyqtalǵandaı, jedel járdem kóliginiń tizgininde otyrǵan júrgizýshilerdiń ózderi naýqasty jetkizý kezinde joǵary jyldamdyqpen júre almaıdy eken. Olar úshin bul kútpegen jaǵdaı boldy. Qazirgi kezde olarǵa tıisti kýrstardy ótkizip jatyrmyz. Astanada júrgizýshiler ótkizip jatqanda da olar (jedel járdem) ary qaraı qozǵalýǵa seskenip turǵanyn kórdik», - dep atap ótti mınıstr.