Jedel járdem kóligi jol apatyna ushyrady: polıtsııa is qozǵady

KÓKShETAÝ. KAZINFORM – Aqmola oblysynda jedel járdem kóligi jol apatyna ushyraý deregi boıynsha is qozǵaldy.

Aqmola oblysy PD baspasóz qyzmetiniń málimetinshe, jol-kólik oqıǵasy osy jyldyń 3-shi tamyzynda saǵat 10:20 shamasynda bolǵan. 

«Anyqtalǵandaı, «Honda CR-V» kóligi men jedel járdem brıgadasynyń «Gazel» kóligi soqtyǵysqan. Saldarynan «Honda CR-V» kóliginiń 47 jastaǵy júrgizýshisi men jedel járdem feldsheri zardap shekti. Qazirgi ýaqytta jol apatyna baılanysty is qozǵalyp, sotqa deıingi tergep-tekserý sharasy qolǵa alyndy», - dedi vedomstvodan.

Aıta ketsek, budan buryn Aqmola oblysynda óndiris ornynda jumysshy áıeldi júk kóligi basyp ketkenin jazǵan edik.