Jedel járdem qyzmetkerleri shaqyrtýlarǵa vıdeojetonmen baratyn bolady

ASTANA. KAZINFORM – Jedel járdem qyzmetkerlerin dóreki áreketterden qorǵaý úshin vıdeojeton tásilin engizilmek. Bul jaıynda Densaýlyq saqtaý mınıstri Aqmaral Álnazarova Úkimet otyrsynan keıin ótken baspasóz máslıhatynda aıtty .

- Biz búkil shaqyrtýlardy tirkeıtin vıdeojeton taǵý tásilin engizemiz. Sol úshin №225-buıryq shyǵardyq. Ákimdikter osy buıryq negizinde qajetti qarajat bólý kerek. Jyl aıaǵyna deıin kezeń-kezeńmen osy jumysty júrgizemiz dep oılaımyn.

Almaty da osy tájirıbeni pysyqtap kórdik. Bul medıtsına qyzmetkerlerin de, keıbir dóreki bazbuzarlardy da tártipke salady, - dedi ol.

Buǵan deıin Densaýlyq saqtaý mınıstrligi eldegi sanıtarııalyq avtokólikterdi GPS navıgatsııasymen jabdyqtaý 100 paıyzǵa jetkenin málim etken bolatyn.