Jedel járdem kelgenshe bala shetinep ketken
ASTANA. Qazannyń 23-i. QazAqparat - Shaqyrylǵan jedel járdem brıgadasy balanyń shetineý faktisin belgiledi,
dep habarlaıdy QR Densaýlyq saqtaý mınıstrligi.
Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń Astana qalasy boıynsha departamenti, qazannyń 18-inde jedel járdem brıgadasynyń ıÝlııa Evgenevna Akımýshkınaǵa (01.07.1997 j.t.) shaqyrylǵanyn habarlady. Syrqat balaǵa kómekke jetken jádel járdem brıgadasy balanyń óliminiń ústinen túsken.
ıÝlııa tynys jolynyń ótkir vırýstyq aýrýy dıagnozy boıynsha «Demeý» emhanasynda ambýlatorııalyq emde bolǵan. Bir kún buryn mektepke anyqtama qaǵaz berilgen. Balanyń úıde qaıtys bolǵany eskerilip, onyń denesi sot-medıtsınalyq saraptamasyna alyp ketildi. Sot-medıtsınalyq saraptamasy ókpeniń qabynýy degen aldyn-ala túıindeme berip otyr.
Gıstologııalyq zertteý aıaqtalǵannan jáne sot-medıtsınalyq saraptamasynyń naqty qorytyndysy jasalǵannan keıin qosymsha aqparat beriledi.
Astana qalasynda 70039 oqýshy bolsa, sońǵy aptada 1348 oqýshy tynys jolynyń ótkir vırýsymen aýyrdy. Tumaýmen aýyrý faktisi ázirge tirkelgen joq. Tynys jolynyń ótkir vırýsymen aýyrý shamadan asqan joq, sondyqtan da karantın jarııalanbaı otyr, dep habarlady mınıstrlikten.
