Jedel járdem endi táýlik boıy qyzmet kórsetpeýi múmkin

ASTANA. KAZINFORM — Qazaqstanda jedel medıtsınalyq kómektiń qoljetimdiligin jaqsartý maqsatynda Densaýlyq saqtaý mınıstrligi jedel medıtsınalyq kómek kórsetý qaǵıdalaryna ózgeris engizý jónindegi buıryqtyń jobasyn ázirledi. 

Jedel járdem qyzmeti tórt sanatqa bólinedi: 

— Birinshi sanattaǵy shaqyrtý — shuǵyl medıtsınalyq kómek kórsetýdi talap etetin, adam ómirine tikeleı qater tóngende;

— Ekinshi sanattaǵy shaqyrý — medıtsınalyq kómeksiz adam ómirine yqtımal qater tóngende;

— Úshinshi sanattaǵy shaqyrý — medıtsınalyq kómeksiz densaýlyqqa yqtımal qater tóngende;

— Tórtinshi sanattaǵy shaqyrý — patsıenttiń ómiri men densaýlyǵyna tikeleı jáne yqtımal qater bolmaǵan jaǵdaıda. 

Endi jańa ózgeristerge sáıkes, jedel járdem 4-shi sanattaǵy shaqyrtýlarǵa táýlik boıy emes, keste boıynsha, ıaǵnı jumys ýaqytynda tańǵy saǵat 08:00–den 18:00–ge deıin, senbi kúni 8:00–den 12:00–ge deıin shyǵady, al jeksenbi — demalys. 

«Qoldanystaǵy tarıf alǵashqy medıtsınalyq-sanıtarlyq alǵashqy kómekti (MSAK) uıymdastyrý kezindegi jedel medıtsınalyq járdem bólimshesiniń barlyq shyǵynyn tolyq jaba almaıdy. Qarjylandyrýdyń jetkiliksizdigi nátıjesinde táýlik boıy jumys isteıtin brıgadalardy ustaýdyń tıimsizdigi baıqalady, bul kredıtorlyq bereshekke ákelip soǵady», — dep túsindirdi vedomstvodan. 

Qujat jobasy Ashyq NQA saıtynda jarııalanǵan jáne 8 qazanǵa deıin jurtshylyqtyń talqysyna usynylyp otyr.