«Jedel járdem aqyly bolady» degen de áńgime bolǵan...» - respýblıkalyq basylymdarǵa sholý
***
Keshe Ortalyq saılaý komıssııasynda saılaýdy halyqaralyq baıqaý jónindegi semınar-trenıng ótti. Onyń jumysyna EQYU-nyń astanadaǵy ortalyǵynyń, Eýropalyq Odaq delegatsııasynyń, elimizdiń ortalyq memlekettik organdarynyń, mınıstrlikter men vedomstvolardyń ókilderi qatysty. Osyǵan oraı «Egemen Qazaqstan» gazetinde «Halyqaralyq baıqaý máselelerine arnaldy» degen taqyryppen maqala jarııalandy. Basylymnyń atap ótýinshe, semınar-trenıngte EQYU/DIAQB-nyń saılaýlardy baıqaý jónindegi mıssııasynyń quramyna kiretin baıqaýshylardyń kásibı deńgeıin joǵarylatýǵa, EQYU-ǵa qatysýshy memleketterdegi saılaýlardy baıqaýǵa Qazaqstan ókilderiniń qatysýyn belsendire túsýge erekshe nazar aýdaryldy.
«Aqordada Memlekettik hatshy Qanat Saýdabaevtyń tóraǵalyǵymen QR Prezıdenti janyndaǵy Jappaı qyryp-joıý qarýyn taratpaý máseleleri jónindegi komıssııanyń kezekti otyrysy ótti», - dep jazady «Egemen Qazaqstan» gazeti. Basylymnyń atap ótýinshe otyrys barysynda QR Premer-Mınıstriniń orynbasary - Indýstrııa jáne jańa tehnologııalar mınıstri Á.Isekeshevtiń, Syrtqy ister mınıstri E.Qazyhanovtyń komıssııanyń ótken otyrystaryndaǵy hattamalyq tapsyrmalardy oryndaý barysy jónindegi esepteri tyńdaldy. Qorytyndy otyrysynyń nátıjesi boıynsha memlekettik organdarǵa 2012 jylǵy naýryzda Seýl qalasynda ótetin ıAdrolyq qaýipsizdik jónindegi jahandyq sammıtke Qazaqstannyń laıyqty qatysýy úshin daıyndyq sharalaryna jáne jappaı qyryp-joıý qarýlaryn taratpaý rejimin odan ári nyǵaıtýǵa baǵyttalǵan tıisti tapsyrmalar berildi.
***
«Qazaqstan boksy jáne otandyq bylǵary qolǵap sheberlerine qatysty birneshe jaıly jáne jaısyz jańalyqtardy ótken aptada qulaǵymyz shaldy. Sonyń barlyǵyna jeke-jeke toqtala otyryp, árbir oqıǵanyń máni men mańyzy jaıynda áńgimeleýdi qup kórdik. Eń áýeli kóńilsizdeý jaıttan bastaǵan jón shyǵar», - dep jazady «Aıqyn» gazeti. Basylym kóterip otyrǵan elimizdiń kúrzi judyryq jigitteri jaıyndaǵy jańalyqtardy egjeı-tegjeıli bilgińiz kelse, «Birjannyń baǵyn baılamaıyq» degen maqalaǵa kóz júgirtińiz.
«Aıqyn» gazetiniń jazýynsha, osydan jarty jyl buryn mańǵystaý munaıshylary ózderiniń kásipodaǵy áreketi men jumys berýshilerine qarsy zańsyz narazylyq aktsııasyna shyqqan bolatyn. Mine osy narazylyq áli basylar emes. Zańsyz narazylyq aktsııasyna qatysýshylarmen kezdesip, jumysqa shyǵýlaryn surap, jaǵdaıdy túsindirmekshi bolǵan bıliktiń áreketinen eshqandaı nátıje bolmaı tur. «Osylaısha jańaózendikter «qyryq kisi bir jaq, qyńyr kisi bir jaq» bolyp, ekige jarylǵan. Mundaıda «Óziń bilmeı, bilgenniń tilin alma» degen qazaqtyń naqyl sózi tilge oralady», dep jazady basylym búgingi sanyndaǵy «Qyryq kisi bir jaq, qyńyr kisi bir jaq» degen taqyryptaǵy maqalasynda.
***
«Keshe Úkimet úıinde ótken selektorlyq otyrysta Úkimet basshysy Kárim Másimov biraz máseleniń basyn shalyp, túıinin sheship tastady. Sonyń biri, «keleshekte medıtsınalyq jedel járdem aqyly bolady» degen alyp-qashpa áńgimeniń anyq-qanyǵyna jetip, bir jaqty qyldy», - dep jazady «Alash aınasy» gazeti búgingi sanyndaǵy «Jedel járdem aqyly bolady» degen de áńgime bolǵan...» degen taqyryptaǵy maqalasynda.
«Alash aınasy» gazetiniń turaqty «Dat!» aıdarynda saıası ǵylymdar doktory, professor Saıyn Borbasovpen aradaǵy suhbat «Dinı kúrdeli jaǵdaıdan shyǵýdyń bir joly - memleket óziniń zaıyrly bet-beınesin tolyq saqtap, tártipti kúsheıtýi kerek» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Bizde bári jaqsy degenmen Qazaqstan jaqsy bolyp ketpeıdi. Sondyqtan kemshilikter ashyq aıtylyp, qoǵam talqysyna túsip turýy tıis. Kemshilikti aıtýdyń jóni osy eken dep qoǵamdy bólshekteý de durys emes. Ǵasyrlar boıy armandap qol jetkizgen Táýelsizdik bárinen qymbat! Sondyqtan Táýelsizdigimizdi saqtaý jolynda barymyzdy salýymyz kerek!», - deıdi.
***
«Kazahstanskaıa pravda» gazetiniń jazýynsha, QR Syrtqy ister mınıstri Erjan Qazyhanov Eýroodaqtyń Qazaqstandaǵy Ókildiginiń basshysy - Elshi Norbert Jýstendi onyń dıplomatııalyq qyzmetiniń aıaqtalýyna baılanysty qabyldady. Taraptar EO-nyń Ortalyq Azııadaǵy strategııasynyń jáne bıyl aıaqtalatyn «Eýropaǵa jol» Memlekettik baǵdarlamasynyń iske asyrylýy barysyn qarastyrdy. Bul aǵymdaǵy jyldyń 24 qarashasynda Astanada sátti ótken «Qazaqstan - Eýropa Odaǵy: yntymaqtastyqtyń jetistikteri men jańa múmkindikteri» atty halyqaralyq konferentsııanyń nátıjesi bolyp tabylady. «Kezdesý sońynda N.Jýsten Qazaqstandy 20 jyldyq Táýelsizdik mereıtoıymen quttyqtap, elimizdiń egemendik alǵan jyldaryndaǵy qol jetkizgen jetistikterin joǵary baǵalady», - dep jazady basylym.
