Jedel shahmattan reseılik Aleksandr Grışýk álem chempıony atandy

Al ekinshi oryn norvegııalyq Magnýs Karlsenge buıyrsa, qola júlde taǵy bir reseılik shahmatshy Sergeı Karıakınniń qanjyǵasyn maılady.

Týrnırdiń  aıaqtalýyna oraı ótkizilgen baspasóz máslıhatynda álem chempıony atanǵan A.Grışýk jarystyń alǵashqy kúninde-aq aýyryp qalǵanyna baılanysty jeńiske jetemin degen oıynyń bolmaǵandyǵyn ashyq aıtty. «Men rapıd jarysynyń alǵashqy kúninde-aq aýyryp qaldym ári qazir de aýyryp otyrmyn. Sondyqtan jeńiske jetemin degen oı bolmap edi», - dedi.

Aıta keteıik, shahmat álemindegi aıtýly sharaǵa álemniń tanymal 16 grossmeısteri jınalǵan bolatyn. Olardyń qatarynda  Magnýs Karlsen, Sergeı Karıakın, Borıs Gelfand, Veselın Topalov, Vasılıı Ivanchýk, Teımýr Radjabov, Aleksandr Grışýk syndy oıynshylar boldy. Elimizdiń namysyn Pavel Kotsýr men Rınat Jumabaev qorǵaǵan edi.

Astana kúnin merekeleý aıasynda ótken chempıonatty Astana qalasy ákimshiliginiń, QR Sport jáne dene shynyqtyrý isteri agenttigi men Mádenıet jáne aqparat mınıstriligiń qoldaýymen Qazaqstan Respýblıkasynyń shahmat federatsııasy jáne FIDE halyqaralyq shahmat federatsııasy uıymdastyrdy.