Jedel saýyqtyrý sharasy barysynda kámeletke tolmaǵan bala eńbegin paıdalanýdyń 33 faktisi anyqtaldy
ALMATY. Shildeniń 22-si. QazAqparat /Názıra Eleýhan/ - Úsh kúnniń ishinde respýblıkalyq "Jumyspen qamtý" jedel saýyqtyrý sharasy barysynda kámelet jasqa tolmaǵan bala eńbegin paıdalanýdyń 33 faktisi anyqtaldy, dep habarlaıdy QazAqparat Almaty qalasynyń ІІD-niń baspasóz qyzmetine silteme jasap.
"Anyqtalǵan balalardyń jeteýi oıyn-saýyq oryndarynda jumys istedi, al taǵy jeteýi qoǵamdyq kólikterde kondýktor bolyp jumys istep, aqsha taýyp júrgen. 19 bala aýyr eńbek jaǵdaıynda jumys jasaǵan. Balalardyń eshbiri jumys berýshimen eshqandaı eńbek kelisimge otyrmaǵan. Jaqynda anyqtalǵan 16 jastaǵy bala kólik jýý orynda bir aı boıy jumys istegen. Jumysqa alý barysynda ákimshi anasynyń "balasyna jumys isteýge ruqsat beremin" degen qol hatymen shektelgen. Bizdiń zań balalar eńbegine jaýapkershilikpen qaraý kerek delinse de osyndaı jaǵdaılar anyqtalýda", dedi qoǵamdyq qaýipsizdik basqarmasynyń bastyǵy, polıtsııa polkovnıgi Nurlan Almasbekov.
Onyń aıtýynsha, shara barysynda polıtsııa qyzmetkerleri bul qatelikterdiń qaıtalanbaýy úshin, jumys berýshiler men ata-analarǵa eńbek zańnama normalaryn túsindirýge tyrysatyn bolady.
