Jedel saýyqtyrý sharasy barysynda 2 myńnan astam kámeletke tolmaǵandar esepke qoıyldy
ASTANA. Aqpannyń 24-i. QazAqparat /Rýslan Ǵabbasov/ - Ótken aptada «Mekteptegi quqyqtyq tártip» jedel saýyqtyrý sharasy barysynda ishki ister organdaryna 10 myńǵa jýyq kámeletke tolmaǵandar jetkizildi. Bul týraly búgin Іshki ister mınıstrliginde ótken brıfıngte málim boldy,
dep habarlaıdy QazAqparat.
Іshki ister mınıstrligi múddeli memlekettik organdardyń, ÚEU-nyń qatysýymen «Mekteptegi quqyqtyq tártip» jedel saýyqtyrý is-sharasyn ótkizdi. Onyń maqsaty - jasóspirimderdiń qylmysyn eskertý jáne aldyn alý, kámeletke tolmaǵandardyń zańdy ókilderinsiz túngi ýaqytta oıyn-saýyq oryndarynda bolýy faktilerin anyqtaý.
Atalǵan sharany ótkizý kezinde 16 myńnan astam polıtsııa qyzmetkerleri, 7 myńǵa jýyq múddeli vedomstvolardyń, ata-analar komıtetteriniń ókilderi jumyldyryldy.
Operatsııany júrgizý kezinde ishki ister organdaryna 10 myńǵa jýyq kámeletke tolmaǵandar jetkizilip, olarmen aldyn alý sharalary júrgizildi. Sondaı-aq 2 myńnan astam kámeletke tolmaǵandar jáne 2 myńǵa tarta turmysy nashar otbasylar esepke qoıylǵan. 3 myńǵa jýyq eresek adamdar ákimshilik jaýapkershilikke tartylyp, kámeleketke tolmaǵandardy qylmys jasaýǵa tartqany úshin 27 qylmystyq is qozǵaldy. Jalpy bilim berý oryndarynda 13 bopsalaý faktisi anyqtaldy.
