Jedel respıratorlyq-vırýstyq ınfektsııa men tumaý maýsymy erte bastalyp, 2 esege ósip otyr
ALMATY. Qarashanyń 4-i. QazAqparat /Názıra Eleýhan/ - Tumaýdyń sharyqtaý shyńy kúzgi-qysqy kezeńge keletindikten, qazan aıynyń 1-inen onyń tirkelýi bastalyp, jedel respıratorlyq-vırýstyq ınfektsııalarǵa (JRVI) shaldyǵýshylardyń manıtorıngi apta saıyn júrgizilip, baqylaýǵa alynady.
Bul týraly búgin «Tumaý pandemııasynyń qarsańynda jáne ony boldyrmaý sharalary» atty baspasóz konferentsııasynda Respýblıkalyq sanıtarlyq-epıdemıologııalyq stansysynyń dırektory Baýyrjan Baıserkın málim etti, dep habarlaıdy QazAqparat.
«Qazir álemde A/H1N1 tumaýy boıynsha epıdemıologııalyq jaǵdaıdyń ýshyǵýyna baılanysty, elimizde ınfektsııanyń aldyn alý sharalary qolǵa alynýda. Bul ınfektsııa túrin kúndelikti baqylaýǵa aldyq. A/H1N1 tumaýyna daıyndyǵymyz joǵary deńgeıde dep aıtýǵa bolady. Jedel respıratorlyq-vırýstyq ınfektsııalyq aýrýlardyń aldyn-alýdyń tıimdi joldarynyń biri vaktsına bolǵandyqtan, qazirgi kezde vaktsınatsııalaý jumystary júrgizilýde. Buǵan ár túrli qarjy kózderinen barlyǵy 837 mıllıon teńgege jýyq qarjy, onyń ishinde 300 mıllıon teńge memleket bıýdjetiniń esebinen bólindi. Qazirgi kezde juqpaly dert, ásirese balalar úshin óte qaýipti bolǵandyqtan 300 myń mektepke deıingi jastaǵy jáne mektep jasyndaǵy balalar vaktsınatsııalandy», dedi Respýblıkalyq sanıtarlyq-epıdemıologııalyq stansynyń dırektory Baýyrjan Baıserkın.
Respýblıkalyq sanıtarlyq-epıdemıologııalyq stansynyń, juqpaly aýrýlar epıdemıologııasy bóliminiń meńgerýshisi Aınagúl Qýatbaevanyń aıtýynsha, bıyl tumaý maýsymy erte bastalǵan, ótken jylǵy kórsetkishke qaraǵanda 2 esege ósip otyr.
